Gjermania dhe populli i sajë Republika Federative e Gjermanisë (Die Bundesrepublik Deutschland) është shtet federativ demokratik dhe social, ku të gjithë qytetarët vendas e të huaj kanë liri dhe siguri të plotë në jetë dhe në punë pavarësisht nga gjinia, prejardhja, raca, gjuha, besimi dhe botëkuptimi politikë. Në bazë të Kushtetutës Federative të Gjermanisë (Grundgesetz der Bundesrepublik Deutschland), për të gjithë njësoj është e garantuar liria e personalitetit, e qarkullimit, e mendimit, e fjalës, e shtypit, e informacinit, e tubimit politik dhe e bashkimit në shoqata, si dhe e drejta e pasurimit, e pronësisë dhe e trashëgimisë, e drejta për t’u marrë me shkencë dhe art, e drejta e shkollimit dhe e zgjedhjes së profesionit; e drejta në martesë dhe e zgjedhjes së bashkëshortit.Në Gjermani të gjithë njerzit janë të barabartë para gjyqit dhe policit, të mbrojtur moralisht dhe fizikisht nga ligji, me të cilin nedalohet rreptësisht sharja dhe rrahja publike e qytetarëve nga autoritetet zyrtare, madje është hequr edhe dënimi me vdekje. Si meshkujt, ashtu dhe femrat përgjithësisht janë të arsimuara e të emancipuara, analfabetizmi pothuajse është zhdukur fare. Gjermania është vend ku punohet, fitohet dhe kursehet shumë. Paraja e saj DM (Deutsche Mark) është shumë stabile dhe me vlerë të madhe, një ndër valutat më të forta e më konvertibile, më të qmueshme e më të kërkueshme kudo në botë. Standardi aq i lartë dhe vendi aq i përparuar, natyra aq e pastër dhe e rregulluar bukur, ka bër që katundi të mos dallohet nga qyteti, katundarët nga qytetarët. Me punë këmbëngulëse, ekonomia kultura dhe shkenca në Gjermani kanë arritur shkallën më të lartë të zhvillimit bashkëkohor, dhe kështu ajo është bër sot një ndër shtetet më të pasura më të përparuara e më të qytetruara të botës. E tërë veprimtaria ekonomike e shoqërore është e kompjuterizuar dhe tejet e modernizuar. Shkurt, Gjermania paraqet sot një fuqi të madhe industriale, ushtarake dhe politike në botë. Si anëtare aktive e Paktit Atlantik Verior (NATO-s), e Bashkësisë Evropiane (Die Europäische Gemeinschaft) dhe e kombeve të Bashkuara (Die Vereinigten Staaten) ajo është faktor me rëndësi të madhe në mardhënjet ndërkombëtare në Evropë dhe në botë. Duke qenë vend i hapur kundrejt botës, Gjermqania sot ka mardhënje diplomatike me 165 shtete, me 210 përfaqësi të huaja, prej të cilave 133 janë ambasada. Si e tillë, Gjermania është bërë vend pune e strehimi për miliona punëtorë të huaj, azilantë e refugjatë vendesh të ndryshme nga mbarë bota. Një pjesë të mirë të buxhetit të vet vjetor ajo e ndanë si ndihmë për popujt dhe për vendet e varfëra, si dhe për ata që pësojnë nga luftërat dhe fatëkeqësitë e ndryshme natyrore dhe elementare. Me një fjalë, Gjermania është shtet që ushqen e mban gjallë sot një pjesë të madhe të njerëzimit të planetës sonë. Pa Gjermaninë bota nuk do të ishte kjo që është: do të ishte gjysmake dhe më e varfër. Kthehu
	Home